وصفات شهيه

طريقة تبييض وتطهير المخدات الفايبر 

طبعا الطريقة دي للي الغسالات بتاعتهم مبتاخدش المخدات بالذات المخدات الطويلة بس من غير عصر

ومتنفعش  خااالص مع المخدات القطن 

ويفضل تتعمل في الصيف عشان الشمس تكون جامدة اوي فتنشفها كويس

المكونات 

ملح ليمون
ليمون عادي
كربوناتو (بيكربونات صوديوم)
صابون سائل 
تايد أو أي مسحوق عادي

الطريقة ..الخطوات تبان كتيرة بس هي سهلة ان شاء الله 

املي البانيو ميه سخنة أوي 

حطي ملح الليمون والكربوناتو 

اغلي لمون مقطع في ميه وحطي الميه واللمون في البانيو

انقعي المخدات في البانيو لمدة ساعتين ..هتلاحظي البياض بعدها ان شاء الله 

صفي البانيو من الميه دي 

امليه تاني وحطي فيه صابون سايل وانقعي فيهم المخدات طول الليل 

صفي الميه تاني وامليه تاني وحطي تايد عشان لو فيها بقعه ولا حاجه تطلع وانقعيهم فيه وكل فترة امشي عليهم برجلك عشان ينضفو

صفي الميه واملي البانيو ميه واشطفيها كويس 

حطيها تصفي على طرف البانيو عشان متنقطيش عالجيران

طلعيها في البلكونة تنشف وتتشمس كويس واتأكدي انها نشفت خااالص عشان بتبقا من جوا مبلولة وانتي مش حاسه 

كل ماتسيبيها في الشمس فترة اطول كل ماهتبيض أكتر وهتتطهر كمان دا غير الكربوناتو برضو بتطهر