وصفات شهيه

 

طبعا اكيد فيكو ناس بتكره تنظيف البوتجاز زي حلاتي وبالذات لو عليه دهون كتييرة ومش قادرة تدعكي

وفي ناس بتستسهل وتحط ورق الومنيوم عليه انا بصراحة مبحبش كده لاني قريت كتير انو خطر

دا شكل بوتجازي الحمد لله بعد التنظيف انا مرضتش اوريكو صورته قبل كده لانكو هتتصدمو كان بشششششع كان بقالي كتيييير معملتوش والدهون لزقت فيه لحد مانشفت ومبقاش في حاجه نافعه معاه 

جربت مستر ماسل بتاع المطبخ برضو منفعش 

هقولكو بقا على حاجه هتخليكي تنظفي البوتجاز والازاز بتاعه لو عليه دهون والحوامل اللي فوق العيون والفرن كمان دا غير العيون نفسها طبعا 

 

المطلوب:

بجنيه بوطاس هتخففيه بميه وتحطيه في بخاخة هو بيبقا عامل زي الصورة كده دوبيه في البخاخة في ميه دافية وانا كنت عملاه مركز عشان يجيب نتيجة 

 

 

 

 

 

 

 

2 سلكة ستانلس اللي هي دي مش الالومنيوم العادي عشان التاني هتفضل تتبرم منك وهتتهري بسرعه 

بجنيه كربوناتو (بيكربونات صديوم)

بجنيه ملح ليمون 

سائل غسيل الاطباق

كلور أبيض

خل 

جوانتي تقيل

 

الطريقة :

اولا تنظيف العيون هتجيبي حلة استانلس كبيرة مش الومنيوم وتحطي فيها ميه سخنة من الحنفية وتحطي فيها العيون الاول بس خلي انضف عين عندك عالبوتجازوهتحطي عليهم الكربوناتو وبعدين ملح اللمون وبعدين الخل وبعدين الكلور وتحطيهم عالنار يغلو بس افتحي الشفاط بتاع المطبخ عشان ريحة الكلور سيبيهم عالنار وقت طويل وبعدين خليهم منقوعين طول الليل لما تصحي الصبح ولعي عليهم تاني وبعدين ادعكي وهما سخنين هتطلع معاكي الدهون بسهوولة والله بس لو لاقيتيها لسه فضي الميه القديمة دي واملي بميه جديدة بنفس المكونات وحطيها تغلي تاني 

ثانيا تنضيف السط بتاع البوتجاز خصوصا اللي تحت العيون 

هترشي عليه بالبخاخة اللي فيها البوطاس بس خدي بالك البسي مريلة مطبخ عشان ميجيش على هدومك وحاسبيي جدااا وانتي بتستعمليه لانه بيكوي 

كل شوية وانتي داخله المطبخ رشي عليه وعلى كلللل حتة في البوتجاز ماعدا العيون ماشي عشان هتجير 

رشي بقا على الحتة اللي جمب الزارير بس خدي بالك انا رشيت عالزارير نفسها اسودت مترشيش عليها 

ورشي كمان في الفرن من جوا وفي باب الفرن 

رشي عالحوامل كمان 

وسيبيها طول الليل 

لما تيجي تدعكي العيون عقبال ماتعمليهم رشي تاني عالحاجات دي عقبال ماتخلصي عشان تطلع معاكي بسهولة 

بجد بجد تحففففة الحوامل نضفت بسرعه رهيييبة مصدقتش والفرن كمان وحتى الازاز اللي فوق كل حاجه بصراحة 

انا بوتجازي كان عايز يترمي في الشارع بس لو انتو بوتجازكو انضف شوية ممكن ميحتاجش رش كتير كل شوية 

جربوها وادعولي

بس تنبيييييه مره تانيه لااازم تلبسي جوانتي وانتي بتدعكي وخدي بالك جدااا مفيش نقطة تيجي عليكي بالذات وانتي بتدعكي هتتترتش في وشك فخدي بالك